Borgeet class 10 Questions Answers HSLC Assamese SEBA

Borgeet class 10 Questions Answers HSLC Assamese SEBA: Borgeet is the first poem from class 10 HSLC Assamese (MIL) SEBA text-book. Here you will get Borgeet class 10 Questions Answers HSLC Assamese SEBA. 

• জিকিৰ প্ৰশ্নোউত্তৰ
• প্ৰশস্তি প্ৰশ্নোউত্তৰ

Class 10 Assamese Borgeet Text-book Questions Answers

বৰগীত কবিতাটোৰ পৰীক্ষাৰ বাবে দৰকাৰী প্ৰশ্নোত্তৰ বোৰ বাবে ইয়াত ক্লিক কৰা

বৰগীত

-শ্ৰী শ্ৰী মাধৱদেৱ

ভাৱ বিষয়কঃ

১। চমুকৈ প্ৰশ্নৰ উত্তৰ দিয়াঃ

(ক) "............নেৰিবা বান্ধৱ মােক জীৱনে মৰণে । ” 

       — কবিয়ে জীৱনে মৰনে নোৱাৰিবৰ বাবে কাক অনুৰােধ কৰিছে ? (HSLC 17) 

উত্তৰ: কবিয়ে জীৱনে মৰণে নেৰিবৰ বাবে ভগৱানক অনুৰােধ কৰিছে ।

(খ) 'সনক , সনন্দ যােগী যাহাকু ধিয়ায় ।' 

         —সনক , সনন্দ আদি যােগীসকলে কাক ধ্যান কৰে বুলি কৈছে ?

উত্তৰ: সনক , সনন্দ আদি যােগীসকলে নাৰায়ণক ধ্যান কৰে বুলি কৈছে ।

(গ) কবি কিহত আতুৰ হােৱা বুলি কৈছে ?

উত্তৰ: কবি বিষয় বন্ধনত আতুৰ হােৱা বুলি কৈছে ।

(ঘ) বৰগীতটি কোনে ৰচনা কৰা ?

উত্তৰ: বৰগীতটি মহাপুৰুষ শ্ৰীশ্ৰীমাধৱদেৱে ৰচনা কৰা ।

(ঙ) বৰগীতটি কি ৰাগত বন্ধা আছে ? (HSLC 17) 

উত্তৰ: বৰগীতটি বসন্তৰাগত বন্ধা আছে ।

(চ) কবিয়ে 'বান্ধব’বুলি কাক সম্বােধন কৰিছে ? (HSLC 16) 

উত্তৰ: কবিয়ে 'বান্ধব' বুলি নাৰায়ণক (ভগৱানক) সম্বােধন কৰিছে ।

(ছ) 'মােহ – পাশ’মানে কি ?

উত্তৰ: 'মােহ – পাশ ’ মানে মায়াৰ জৰী অর্থাৎ মায়াৰ বান্ধোন ।

Class 10 MIL Assamese HSLC SEBA Solutions

২। বৰগীতটিৰ মূলভাব লিখা ।

উত্তৰ: মাধৱদেৱ বিৰচিত হৰি হেৰােৰে বাপ পশিলো শৰণে শীর্ষক প্রার্থনামূলক বৰগীতটো দাস্য ভক্তিৰ উৎকৃষ্ট নিদর্শন । বৈষ্ণৱ ধৰ্মৰ ইষ্ট দেৱতা বিষ্ণুৰ অংশ স্বৰূপ শ্রীকৃষ্ণৰ ওচৰত শৰণ লৈ সংসাৰৰ পৰা মুক্তি পােৱাৰ কথা এই বৰগীতটোত প্রকাশ পাইছে ।

ভগৱানৰ ওচৰত শৰণ লােৱা কবিয়ে তেওঁক জীৱনে মৰণে নেৰিবলৈ ভগৱানক কাকুতি কৰিছে । যােগসিদ্ধ পুৰুষসকলে যাক ধ্যান কৰে , সমস্ত বেদে যাক বিচাৰি । নাপায়, সহস্র মুখ অনন্তই যাৰ গুণ গাই শেষ কৰিব নােৱাৰে , সেইজনা পৰম পুৰুষৰ মহিমা কবিৰ দৰে অধমে জানিবলৈ অপৰাগ ।

বিষয় - বাসনাত মত্ত কবিয়ে ইয়াৰ পৰা পৰিত্ৰাণ বিচাৰি ভগৱানৰ চৰণত শৰণ লৈছে । ভকতৰ ত্রাণকর্তা ভগৱান । সেয়ে কবিয়ে ভগৱানৰ ওচৰত কাতৰভাৱে তেওঁক সংসাৰৰ মায়া মোহৰৰ পৰা পৰিত্ৰাণ কৰিবলৈ প্রার্থনা কৰিছে ।

ভগৱানৰ দাসৰূপে নিজকে প্রতিপন্ন কৰা এই বৰগীতটোত কবিয়ে তেওঁক সংসাৰৰ যন্ত্ৰণাৰ পৰা মুক্তি দিবলৈ ভগৱানক খাটিছে । নিজকে ভগৱানৰ চৰণত সমৰ্পণ কৰি এই সংসাৰৰ মায়াৰ বন্ধনৰ পৰা মুক্তি হ’বলৈ এইদৰে প্রার্থনা কৰাৰ মাজেৰে কবিৰ ভক্তিধৰ্মৰ প্রতি পৰাকাষ্ঠা প্রকাশ পাইছে ।

৩৷ বৰগীতটিৰ ৰচকৰ চমু পৰিচয় দিয়া ।

উত্তৰ: বৰগীতটোৰ ৰচক হ’ল মহাপুৰুষ শ্রীশ্রীমাধৱদেৱ । কবি মাধৱদেৱৰ জন্ম হৈছিল লখিমপুৰৰ নাৰায়ণপুৰৰ লেটেকু পুখুৰীত ১৪৮৯ খ্রীষ্টাব্দত । তেখেতেৰ পিতৃ আছিল গােবিন্দগিৰী ভূঞা আৰু মাতৃৰ নাম আছিল মনোৰমা।

বর্তমান বাংলাদেশৰ বাকাতৰাজেন্দ্র অধ্যাপকৰ টোলত গুৰুজনাই । শিক্ষা গ্রহণ কৰিছিল । ১৫২২ চনত তেখেতে শ্ৰীমন্ত শংকৰদেৱক লগ পায় আৰু শংকৰদেৱে প্ৰৱৰ্তন কৰানৱ – বৈষ্ণৱ ধর্ম গ্রহণ কৰি ধর্মচর্চাত মনােনিবেশ কৰে । এইগৰাকী মহান সাহিত্যিকৰ ১০৭ বছৰ বয়সত ১৫৯৬ খ্রীষ্টাব্দত কোচবিহাৰৰ ভেলা মধুপুৰত দেহাৱসান ঘটে ।

কবিমাধৱদেৱৰ সাহিত্যিক কৰ্মৰাজি তলত দিয়া ভাগত ভাগ কৰি দেখুৱাব পাৰি –

(ক) নামঘােষাহ’ল কবি মাধৱদেৱৰ সাহিত্যিক জীৱনৰ কীর্তিস্তম্ভ । 

(খ ) আখ্যানমূলক ৰচনা: আদিকাণ্ড ৰামায়ণ আৰু ৰাজসূয় কাব্য ।

(গ) তত্ত্বমূলক গ্রন্থ নামঘােষা: জন্ম ৰহস্য , ভক্তি ৰত্নাৱলী আৰু নামমালিকা ।

(ঘ) নাটক: দধিমথন আৰু অর্জুন-ভঞ্জন ।

(ঙ) ঝুমুৰা: চোৰধৰা, পিম্পৰা গুচোৱা, ভােজন বেহাৰ আৰু ভূমি লেটোৱা ।

HSLC SEBA Assamese Class 10 Questions Answers

৪। ব্যাখ্যা কৰাঃ

( ক ) “ সহস্র বয়নে যাৰ নপাৱস্ত সীমা ।

         অধমে জানিবাে কেনে তােমাৰ মহিমা । ” (HSLC 18) 

উত্তৰ: উক্ত বৰগীত ফাকি আমাৰ পাঠ্যপুথি  '' অসমীয়া  সাহিত্য  চয়নিকা '' ৰ  অন্তৰ্গত শ্ৰী শ্ৰী মাধৱদেৱৰ বিৰচিত "বৰগীত" নামৰ গীতটিৰ পৰা তুলি দিয়া হৈছে । 

      

সীমাহীন জ্ঞান দিব  পৰা শাস্ত্ৰয়েও য'ত আপোনাৰ মহিমাৰ  সীমা উপলদ্ধি  কৰিব পৰা নাই । সনক সনন্দৰ দৰে ডাঙৰ ডাঙৰ যোগী সকলে যোগ যোগ ধৰি ধ্যান কৰি আপোনাৰ মহিমা উপলদ্ধি কৰিব পৰা নাই । মইনো এজন সাধাৰণ মানুহে আপোনাৰ মহিমা কেনেকৈ উপলদ্ধি কৰিম । 

( খ ) “ আতুৰ ভৈলােহাে হৰি বিষয় বিকলে ।

           কৰিয়াে উদ্ধাৰ মােক চৰণকমলে । ”

উত্তৰ: উক্ত বৰগীত ফাকি আমাৰ পাঠ্যপুথি  '' অসমীয়া  সাহিত্য  চয়নিকা '' ৰ অন্তৰ্গত  শ্ৰী শ্ৰী মাধৱদেৱৰ বিৰচিত "বৰগীত" নামৰ গীতটিৰ পৰা তুলি দিয়া হৈছে । 

           

আতুৰ হলো মই প্ৰভু এই সংসাৰৰ মায়া মোহত । আপুনিটো দয়াৰ সাগৰ প্ৰভো আপোনাৰ দয়া,মহিমাৰ কোনো সীমা নাই । অজস্ৰ জ্ঞান দিব পৰা শাস্ত্ৰয়েও আপোনাৰ মহিমাৰ কোনো উপলদ্ধি কৰিব পৰা নাই । সনক সনন্দৰ দৰে যোগী সকলে যোগ যোগ ধৰি ধ্যান কৰিও আপোনাৰ উপলদ্ধি কৰিব পৰা নাই । মই প্ৰভু আপোনাক প্ৰাৰ্থনা কৰিছো আপুনি মোক উদ্ধাৰ কৰি আপোনাৰ পদুম ফুলৰ দৰে কোমল ভৰি যোৰ চুবলৈ দিয়ক ।

( গ ) “ তােমাৰ চৰণ দুই মােৰ মহা ধন ।

          ভকত জনেৰ নিজ তুমিয়ে জীৱন । ”

উত্তৰ: উক্ত বৰগীত ফাকি আমাৰ পাঠ্যপুথি  '' অসমীয়া  সাহিত্য  চয়নিকা '' অন্তৰ্গত শ্ৰী শ্ৰী মাধৱদেৱৰ বিৰচিত "বৰগীত" নামৰ গীতটিৰ পৰা তুলি দিয়া হৈছে ।

          

হে হৰি তোমাৰ পদুম হেন ভৰি যোগলত মোক হৰণ ল'বলৈ দিয়া । তোমাৰ ভৰি যোগলত হৰণ ল'বলৈ দিয়াতোৱে হ'ব মোৰ বাবে মহাধন । তুমি হলা দয়াৰ সাগৰ তোমাৰ দয়াৰ কোনো সীমা নাই । তোমিয়েই হলা ভকত সকলৰ প্ৰাণ তোমাৰ বাহিৰে আৰু ভকত সকলৰ কোনো নাই । 

৫। '' সনক  সনন্দ  যোগী   যাহাকু   ধিয়ায়   ৷

       সকল  নিগমে  যাক  বিচাৰি  নপায়  ৷৷  ''

       —তাৎপৰ্য   বিচাৰ  কৰা ৷,

উত্তৰ: উক্ত বৰগীত ফাকি আমাৰ পাঠ্যপুথি  '' অসমীয়া  সাহিত্য  চয়নিকা ''  অন্তৰ্গত শ্ৰী শ্ৰী মাধৱদেৱৰ বিৰচিত "বৰগীত" টিৰ পৰা তুলি দিয়া হৈছে ।

           

এই বৰগীতটিৰ যোগেদি কবিৰ ভগৱানৰ প্ৰতি গভীৰ মনোভাৱ প্ৰকাশ পাইছে । এই বৰগীতটিৰ যোগেদি কবিয়ে নিজকেই এজন সাধাৰণ মানুহৰ লগত তুলনা কৰিছে । ভগৱানৰ অপাৰ মহিমা প্রকাশ কৰাৰ প্রসংগত, ভগৱানৰ বিষয়ে এনেদৰে কৈছে ।

            

তোমাৰ প্ৰভু মহিমাৰ কোনো সীমা নাই । মহিমাৰ দৰেই তোমাৰ দয়াৰো সীমা নাই । তোমাৰ মহিমা আৰু দয়া সনক সনন্দৰ দৰে ডাঙৰ ডাঙৰ যোগী সকলে যোগ যোগ ধৰি ধ্যান কৰিও তোমাৰ মহিমাৰ কোনো সীমা উলিয়াব পৰা নাই । অজস্ৰ জ্ঞান দিব পৰা শাস্ত্ৰয়েও তোমাৰ মহিমাৰ কোনো উপলদ্ধি কৰিব পৰা নাই । মই এজন সাধাৰণ মানুহ হৈ কেনেকৈনো আপোনাৰ মহিমা উপলদ্ধি কৰিম ।

৬। বৰগীতৰ চাৰিটা লক্ষণৰ বিষয়ে লিখা ।

উত্তৰ: মহাপুৰুষ শ্ৰীমন্তশংকৰদেৱ আৰু শ্ৰীশ্ৰী মাধৱদেৱে বিৰচিত বৰগীতৰ কেতবােৰ সুকীয়া সুকীয় লক্ষণ আছে , যাৰবাবে এই গীত আন গীতৰ পৰা পৃথক । বৰগীতৰ তেনে চাৰিটা লক্ষণ হল—

(ক) বৰগীতবােৰ ৰাগ – তালযুক্ত শাস্ত্রীয় গীত ।

(খ) বৰগীত কৃত্রিম ব্ৰজাৱলী ভাষাত ৰচিত ।

(গ) মহাপুৰুষ শংকৰদেৱ আৰু মাধৱদেৱে লিখা উচ্চ আধ্যাত্মিক ভাৱধাৰাৰ গীতকহে বৰগীত আখ্যা দিয়া হয় ।

(ঘ) নামধৰ্ম  প্ৰচাৰৰ  উদ্দেশ্যে  বৰগীতসমূহ  ৰচিত  ৷ 

ভাষা বিষয়কঃ

১। তলত দিয়া শব্দকেইটাৰ আধুনিক ৰূপ লিখাঃ

     নপাৱন্ত, কেনে ভৈলােহাে, তুমিসে, জনেৰ, কহয় ।

উত্তৰ: নপাৱন্ত – নোৱাৰে ।

           কেনে – কেনেকৈ ।

           ভৈলােহাে – হ’লো ।

           তুমিসে – তুমিহে ।

           জনেৰ – জনৰ ।

           কহয় – কয় ।

২। ব্ৰজাৱলী ভাষাৰ বৈশিষ্ট্যসমূহ উল্লেখ কৰা ।

উত্তৰ: অসমীয়া সাহিত্যত বৈষ্ণৱ গুৰু শংকৰদেৱ আৰু মাধৱদেৱৰ বৰগীত আৰু অংকমালাৰ ব্যৱহৃত ভাষাটো ব্রজবুলি বা অসমীয়া ভাষাত ব্ৰজাৱলী নামে জনাজাত । বজ্ৰাৱলী ভাষাৰ  বৈশিষ্ট্যসমূহ  তলত উল্লেখ কৰা হ'ল -

(ক) ব্রজবুলি ভাষা বা ব্ৰজাৱলী ভাষাত সংস্কৃত শব্দৰ প্রয়ােগ বহুলভাৱে দেখা যায় ।

(খ) এই ভাষাত আৰবী, ফাৰ্চী আদি বিদেশী ভাষাৰ শব্দও দেখা যায় ।

(গ) বজ্ৰাৱলী ভাষাৰ মূল ভেটি হ'ল মৈথিলী  ৷

(ঘ) ব্ৰজাৱলী ভাষাত দ্বিস্বৰ আৰু ত্রিস্বৰৰ প্ৰয়ােগ প্রচুৰ ।

(ঙ) ই এক কৃত্ৰিম সাহিত্যিক ভাষা  ৷

Class 10 Assamese HSLC Question Bank SEBA

১। মাধৱদেৱৰ সাহিত্যিক জীৱনৰ কীর্তিস্তম্ভ কি ? (HSLC 18) 

উত্তৰ: মাধৱদেৱৰ সাহিত্যিক জীৱনৰ কীর্তিস্তম্ভ হ'ল নামঘােষা । 

২। মাধৱদেৱৰ জন্মস্হান কি ? 

উত্তৰ: মাধৱদেৱৰ জন্মস্হান লখিমপুৰৰ নাৰায়ণপুৰৰ লেটেকু পুখুৰী । 

৩। মাধৱদেৱৰ ক'ত মৃত্যু হৈছিল ? 

উত্তৰ: ১৫৯৬ খ্রীষ্টাব্দত কোচবিহাৰৰ ভেলা মধুপুৰত মাধৱদেৱৰ ক'ত মৃত্যু হৈছিল । 

৪। মাধৱদেৱৰ পিতৃ - মাতৃৰ নাম কি আছিল ? 

উত্তৰ: মাধৱদেৱৰ পিতৃ - মাতৃৰ নাম ক্ৰমে গােবিন্দগিৰী ভূঞা আৰু মনোৰমা।

৫। মাধৱদেৱ কোনজন গুৰুৰ প্ৰিয়তম শিষ্য আছিল ? 

উত্তৰ: মাধৱদেৱ মহাপুৰুষ শ্ৰীমন্তশংকৰদেৱৰ প্ৰিয়তম শিষ্য আছিল । 

৬। 'অর্জুন-ভঞ্জন' নাটকখন কোনে ৰচনা কৰিচিল ? 

উত্তৰ: 'অর্জুন-ভঞ্জন' নাটকখন মহাপুৰুষ শ্ৰীশ্ৰী মাধৱদেৱে ৰচনা কৰিচিল । 

৭। মাধৱদেৱে ৰচনা কৰা দুখন নাটকৰ নাম লিখা । 

উত্তৰ: মাধৱদেৱে ৰচনা কৰা দুখন নাটকৰ নাম হ'ল দধিমথন আৰু অর্জুন-ভঞ্জন ।

৮। মাধৱদেৱে ক'ত ক'ত ধৰ্ম প্ৰচাৰ কৰিছিল ? 

উত্তৰ: মাধৱদেৱে বাবাদি, গণককুছি, সুন্দৰীদিয়া, ভেলাডাংগা আদি ঠাইত ধৰ্ম প্ৰচাৰ কৰিছিল । 

৯। মাধৱদেৱ বিৰচিত বৰগীতৰ সংখ্যা কিমানটা ?

উত্তৰ : মাধৱদেৱ বিৰচিত বৰগীতৰ সংখ্যা ১৫৭ টা ।

১০ । " সহস্র বয়নে যাৰ নপাৱস্ত সীমা" - হাজাৰ বৰ্ণনাৰে কাৰ বৰ্ণনা কৰি পাৰ পাব নোৱাৰি বুলি কোৱা হৈছে ?

উত্তৰ: সহস্র বয়নে যাৰ নপাৱস্ত সীমা" - হাজাৰ বৰ্ণনাৰে প্ৰভু শ্ৰী কৃষ্ণৰ বৰ্ণনা কৰি পাৰ পাব নোৱাৰি বুলি কোৱা হৈছে ।

১১ । তোমাৰ পাঠ্যপুথিত থকা বৰগীতটিত কবিৰ কি ভাৱ প্ৰকাশ পাইছে ? 

উত্তৰ: পাঠ্যপুথিত থকা বৰগীতটিত কবিৰ শাস্ত্ৰীয় ৰাগজুক্ত আৰু আধ্যাত্মিক ভাৱ প্ৰকাশ পাইছে ।