Borgeet (বৰগীত) questions answer HS 2nd year MIL Assamese

Borgeet (বৰগীত) questions answer HS 2nd year MIL Assamese: Borgeet ( (বৰগীত) is a poem from HS 2nd year MIL Assamese. Here you'll get Borgeet (বৰগীত) questions answer HS 2nd year MIL Assamese. 

বৰগীত: Borgeet HS 2nd year Assamese Questions answers (Sahitya Saorav) / Common question answer 2021

বৰগীত (Borgeet) 

(উঠ ৰে উঠ বাপু গোপাল হে……)

মাধৱদেৱ

 

আর্হি প্ৰশ্ন:

ক) অতি চমু প্ৰশ্নঃ (প্ৰতিটো প্ৰশ্নৰ মূল্যাংক – ১) Borgeet very Short questions answers HS 2nd year

১) মাধৱদেৱৰ জন্ম ক’ত হৈছিল ?

উত্তৰ: উত্তৰ লখিমপুৰৰ নাৰায়ণপুৰ অঞ্চলত মাধৱদেৱৰ জন্ম হৈছিল৷

২) শংকৰদেৱ আৰু মাধৱদেৱৰ প্ৰথম সাক্ষাতক কি বুলি অভিহিত কৰা হয় ?

উত্তৰ: শংকৰদেৱ আৰু মাধৱদেৱৰ প্ৰথম সাক্ষাতক ‘মণিকাঞ্চন সংযোগ’ বুusse লি অভিহিত কৰা হয়৷

৩) কোনখন গ্ৰন্থক মাধৱদেৱৰ সাহিত্য‍িক জীৱনৰ কীর্তিস্তম্ভ বুলি কোৱা হয় ?

উত্তৰ: ‘নামঘোষা’ক মাধৱদেৱৰ সাহিত্য‍িক জীৱনৰ কীর্তিস্তম্ভ বুলি কোৱা হয়৷

৪) মাধৱদেৱে কিমানটা বৰগীত ৰচনা কৰিছিল ?

উত্তৰ: মাধৱদেৱে ১৫৭ টা বৰগীত ৰচনা কৰিছিল বুলি পোৱা যায়৷

৫) ‘উঠৰে উঠ বাপু গোপাল হে’ বৰগীতটো কি ৰাগত বন্ধা ?

উত্তৰ: ‘উঠৰে উঠ বাপু গোপাল হে’ বৰগীতটো ‘কৌ্’ ৰাগত বন্ধা৷

খ) চমু প্ৰশ্ন (প্ৰতিটো প্ৰশ্নৰ মূল্যাংক ২ অথৱা ৩)Borgeet Short questions answers HS 2nd year

১) বৰগীত কাক বোলে ? বৰগীতৰ বিষয়বস্তুক কেইটা ভাগত ভগাব পাৰি ? ভাগসমূহ উল্লেখ কৰা৷

উত্তৰ: মহাপুৰুষ শ্ৰীমন্ত শংকদেৱ আৰু মাধৱদেৱৰ দ্বাৰা ৰচিত আধ্যাত্মিক ভাৱসম্পন্ন আৰু ৰাগ-ৰাগিণীযুক্ত কেতবোৰ বিশেষ গীতক বৰগীত আখ্যা দিয়া হয়৷

অথৱা

 বিষয়বস্তুৰ মহত্ব, ৰচনাভংগীৰ সৌষ্ঠৱ্ আৰু শাস্ত্ৰীয় সুৰৰ গাম্ভীর্যৰে মহাপুৰুষ দুজনাই ৰচনা কৰা একশ্ৰেণীৰ গীতক বৰগীত বোলা হয় ৷

বৰগীতৰ বিষয়বস্তুক ছটা ভাগত ভাগ কৰিব পৰা যায় –

(ক) লীলা (খ) বিৰহ (গ) বিৰক্তি (ঘ) পৰমার্থ (ঙ) চোৰ আৰু (চ) চাতুৰি‍

২) ড০ বাণীকান্ত কাকতিয়ে বৰগীতবোৰক কিয় Noble Numbers বুলি কৈছে ?

উত্তৰ: গুৰুদুজনা ৰচিত বৰগীতসমূহৰ ৰাগ, তাল, সাংগীতিক ভাষা আদিৰ অন্তৰালত গভীৰ আধ্যাত্মিক ভাৱৰ প্ৰৱাহ লক্ষ্য কৰা যায়৷ সেয়েহে বৰগীতসমূহক ড০ বাণীকান্ত কাকতিয়ে Noble Numbers বুলি কৈছে৷

৩) মাধৱদেৱৰ বৰগীতৰ প্ৰধান বৈশিষ্ট্য কি ?

উত্তৰ: বাৎসল্যভাৱৰ প্ৰকাশ মাধৱদেৱৰ বৰগীতৰ প্ৰধান বৈশিষ্ট্য৷ ভগৱান শ্ৰীকৃষ্ণৰ শিশুকালৰ নানা ক্ৰিয়া-কলাপৰ মনোমুগ্ধকৰ বর্ণনা মাধৱদেৱৰ বৰগীতত পোৱা যায় বাবেই তেওঁৰ বৰগীতসমূহক বাৎসল্য ভাৱপ্ৰধান বুলি কোৱা হয়৷

৪) ‘সব পুৰুষৰ শিৰৰ ভূষণ’ বুলি কোনে, কাক, কিয় কৈছে ?

উত্তৰ: মাতৃ যশোদাই কৃষ্ণক ‘সব পুৰুষৰ শিৰৰ ভূষণ’ বুলি উল্লেখ কৰিছে ৷ সমস্ত চৰাচৰৰ আৰাধ্য দেৱতা ভগৱান শ্ৰীকৃষ্ণ ৷ তেওঁতে‍ জগতৰ সৃষ্টি, স্থিতি আৰু লয় হয়৷ সেয়েহে পুত্ৰৰূপে কৃষ্ণক লাভ কৰি‍ যশোদাই নিজকে কৃতার্থ মানিছে আৰু উক্ত কথাষাৰৰ অৱতাৰণা কৰিছে ৷

৫) ‘সিদ্ধ মুনিগণে চিন্তিয়া নপাৱে‍

       সো হৰি যশোৱা কোলে৷ – সিদ্ধ মুনিগণে নোপোৱা হৰিক যশোদাই কিহৰ বলত পুত্ৰৰূপে পালে বুজাই লিখা৷

উত্তৰ: ভগৱানৰ স্বৰূপ উপলব্ধিৰ বাবে সিদ্ধ মুনি, ঋষিসকলে বহু ধ্যান আৰু সাধনাৰে চেষ্টা কৰি আহিছে৷ কিন্তু অনন্ত ব্ৰহ্মাণ্ডৰ অধিকাৰী ভগৱন্তক তেওঁলোকে‍ লাভ কৰিব পৰা নাই৷ তাৰ বিপৰীতে‍ ভগৱানৰ প্ৰতি অচলা ভক্তিৰে মাতৃ যশোদাই ভগৱানক নিজৰ পুত্ৰৰূপে পাবলৈ বিচৰাত শ্ৰীকৃষ্ণৰূপে‍ যশোদাৰ কোলা শুৱাইছিল৷ প্ৰকৃততে‍ ইয়াৰ জৰিয়তে কবিয়ে‍ ভক্তিৰ শ্ৰেষ্ঠত্ব প্ৰতিপন্ন কৰিব বিচাৰিছে আৰু ভগৱান যে‍ ভক্তৰ অধীন এই কথাকে ইয়াৰ জৰিয়তে হৃদয়স্পর্শী ৰূপত তুলি ধৰিছে৷

গ) দীঘল প্ৰশ্ন ৷ (প্ৰতিটো প্ৰশ্নৰ মূল্যাংক ৪ অথৱা ৫)Borgeet Long questions answers HS 2nd year

১) মাধৱদেৱৰ ‘উঠৰে উঠ বাপু গোপাল হে’ বৰগীতটোৰ মূল কথাখিনি আলোচনা কৰা৷

উত্তৰ: মাধৱদেৱৰ ‘উঠৰে উঠ বাপু গোপাল হে’ বৰগীতটোত মাতৃ-পুত্ৰৰ মধুৰ সম্পর্কৰ বর্ণনা কৰাৰ লগতে কৃষ্ণৰ ঐশ্বৰিক ৰূপ আৰু মাহাত্ম্যৰ কথা বর্ণনা কৰিছে৷ সিদ্ধ মুনি, ঋষিগণে বহু ধ্যান, বহু সাধনাৰ পিছতো যিজন ভগৱান কৃষ্ণক বিচাৰি নাপায়, পৰম ভক্তিৰ বলত যশোদাই সেইজনকে পুত্ৰৰূপে লাভ কৰি কোলাত লৈ মৰম কৰিব পাৰিছে৷ প্ৰকৃতার্থত বৰগীতটোৰ জৰিয়তে কবিয়ে ভক্তিৰ শ্ৰেষ্ঠত্ব প্ৰতিপন্ন কৰি ভগৱান যে ভক্তৰ অধীন সেই কথা হৃদয়স্পর্শী ৰূপত তুলি ধৰিছে৷

২) বৰগীতটোৰ মাজেৰে যশোদাৰ মাতৃস্নেহ কিদৰে প্ৰকাশিত হৈছে বুজাই লিখা৷

উত্তৰ: মাধৱদেৱৰ বাৎসল্য ভাৱপ্ৰধান ‘উঠৰে উঠ বাপু গোপাল হে’ বৰগীতটোৰ মাজেদি‍ শ্ৰীকৃষ্ণক মাতৃ যশোদাই কেনেদৰে টোপনিৰ পৰা জগাইছে সেই কথা সৰল আৰু সুন্দৰ ৰূপত তুলি ধৰিছে৷ যশোদাই মৰমতে কৃষ্ণক বাপু, কমল-নয়ন, প্ৰাণধন আদি বুলি সম্বোধন কৰি টোপনিৰ পৰা উঠিবলৈ কৈছে৷ সকলো পুৰুষৰ শিৰৰ ভূষণ কৃষ্ণক তেওঁ বুকুত বান্ধি কোলাত লৈ বাৰে বাৰে চুমা খাইছে৷ বৰগীতটোত এইদৰেই মাতৃ-পুত্ৰৰ মধুৰ সম্পর্কৰ বর্ণনা কৰিছে৷

৩) বৰগীতটোৰ মাজেৰে শ্ৰীকৃষ্ণৰ মানৱীয় আৰু ঐশ্বৰিক ৰূপ কিদৰে পৰিস্ফুট হৈছে আলোচনা কৰা৷

উত্তৰ: ভগৱান শ্ৰীকৃষ্ণক হিন্দুৰ শ্ৰেষ্ঠ দেৱতা বিষ্ণুৰ অৱতাৰ ৰূপে আৰাধনা কৰা হয়৷ দৈৱকীৰ গর্ভত জন্ম লোৱা কৃষ্ণ গোকুলৰ নন্দ-যশোদাৰ ঘৰত ডাঙৰ-দীঘল হৈছিল৷ বৰগীতটিত মাধৱদেৱে কৰা বর্ণনা অনুসৰি, চৰাচৰ জগতৰ অধীপতি হৈয়ো যশোদাৰ ওচৰত তেওঁ এটি সাধাৰণ শিশুৰ দৰে আচৰণ কৰিছে৷ যশোদায়ো কৃষ্ণক সাধাৰণ শিশুৰ দৰে‍ মৰমতে বাপু, কমল-নয়ন, প্ৰাণধন আদি সম্বোধনেৰে টোপনিৰ পৰা জগাইছে আৰু বুকুত সাৱটি লৈ বাৰে বাৰে চুমা খাইছে৷ মাধৱদেৱে‍ এইদৰে মাতৃ-পুত্ৰৰ মধুৰ সম্পর্কৰ বর্ণনা কৰাৰ লগতে কৃষ্ণৰ ঐশ্বৰিক ৰূপ আৰু মাহাত্ম্যৰ কথাও প্ৰকাশ কৰিছে৷ সিদ্ধ মুনি, ঋষিগণে বহু ধ্যান আৰু সাধনাৰ পিছতো বিচাৰি নোপোৱা ভগৱন্তক যশোদাই পৰম ভক্তিৰ বলত পুত্ৰৰূপে লাভ কৰিছে৷

৪) বৰগীতটোৰ মাধ্যমেৰে ভক্তিৰ প্ৰকাশ কিদৰে ঘটিছে আলোচনা কৰা৷

উত্তৰ: বৰগীতটোৰ মাধ্যমেৰে মাধৱদেৱে মাতৃ-পুত্ৰৰ মধুৰ সম্পর্কৰ বর্ণনাৰ মাজেৰে ভগৱান যে ভক্তিৰ দাস এই কথা প্ৰতিপন্ন কৰিবলৈ চেষ্টা কৰিছে৷ সিদ্ধ মুনি, ঋষিগণে ভগৱানৰ সাক্ষাৎ লাভ কৰিবৰ বাবে‍ বহু ধ্যান আৰু সাধনা কৰে৷ তাৰ পিছতো তেওঁলোকে‍ ভগৱানক বিচাৰি নাপায়৷ অথচ যশোদাই পৰম ভক্তিৰ বলত সেই ভগৱন্তক যশোদাই পুত্ৰৰূপে লাভ কৰিছে৷ বৰগীতটোৰ জৰিয়তে কবিয়ে ভক্তিৰ শ্ৰেষ্ঠত্ব প্ৰতিপন্ন কৰি ভগৱান যে ভক্তৰ অধীন সেই কথা হৃদয়স্পর্শী ৰূপত তুলি ধৰিছে৷

৫) প্ৰসংগ-সংগতি দর্শাই ব্যাখ্যা কৰাঁ ৷

          ত্ৰিজগত পতি ভকতি মিলিল

                  মুৰুখ মাধৱে বোলে৷

উত্তৰ: উক্ত কাব্যাংশ আমাৰ পাঠ্যপুথিৰ মাদৱদেৱ ৰচিত ‘উঠৰে‍ উঠ বাপু গোপাল হে’ নামৰ বৰগীতটোৰ পৰা তুলি অনা হৈছে৷ কবিয়ে চৰাচৰ জগতৰ পতি ভগৱন্তৰ ভক্তিৰ স্বৰূপ বর্ণনা কৰিবলৈ গৈ উক্ত কাব্যাংশৰ অৱতাৰণা কৰিছে৷

ভগৱান শ্ৰীকৃষ্ণক হিন্দুৰ শ্ৰেষ্ঠ দেৱতা বিষ্ণুৰ অৱতাৰ ৰূপে আৰাধনা কৰা হয়৷ চৰাচৰ জগতৰ পতি, সমগ্ৰ ব্ৰহ্মাণ্ডৰ নিয়ন্ত্ৰা ভগৱন্ত ভক্তিৰ দাস৷ অচলা ভক্তিৰ দ্বাৰাহে তেওঁৰ সাক্ষাৎ লাভ কৰিব পৰা যায়৷ যশোদাই অচলা ভক্তিৰ দ্বাৰাই ভগৱন্তক পুত্ৰৰূপে লাভ কৰিবলৈ সক্ষম হৈছিল৷ এনেদৰে কবিতাফাঁকিৰ মাজেদি ভক্তিৰ শ্ৰেষ্ঠত্ব প্ৰতিপন্ন কৰি শেষত মাধৱদেৱে নিজৰ নামেৰে ভণিতা পেলাইছে৷

 

অতিৰিক্ত প্ৰশ্ন উত্তৰ: Borgeet extra / common questions answers HS 2nd year

১) বৎস মানে কি ?

উত্তৰ: বৎস মানে শিশু ৷

২) ‘ত্রিজগত পতি’ - এই শব্দ যুগলেৰে কি বুজোৱা হৈছে ?

উত্তৰ: ‘ত্রিজগত পতি’ -এই শব্দ যুগলেৰে ভগৱান শ্রী কৃষ্ণক বুজোৱা হৈছে ।

৩) মাধৱদেৱৰ বৰগীতবোৰত থকাৰ দৰে‍ শিশু কৃষ্ণৰ বর্ণনা আন কোন ভাৰতীয় কবিৰ ৰচনাত পোৱা যায় ?

উত্তৰ: মাধৱদেৱৰ বৰগীতবোৰত থকাৰ দৰে‍ শ্ৰীকৃষ্ণৰ শিশুৰূপৰ বর্ণনা মহাৰাষ্ট্ৰৰ কবি তুকাৰাম আৰু উত্তৰ ভাৰতৰ কবি সুৰদাসৰ গীতত পোৱা যায় ৷

৪) মাধৱদেৱৰ পিতৃৰ নাম কি আছিল ?

উত্তৰ: মাধৱদেৱৰ পিতৃৰ নাম আছিল গোৱিন্দগিৰী ৷

৫) মাধৱদেৱে ৰামায়ণৰ কোনটো কাণ্ড অনুবাদ কৰিছিল ?

উত্তৰ: মাধৱদেৱে মাধৱকন্দলি‍ ৰামায়ণৰ আদি‍কাণ্ড অনুবাদ কৰিছিল ৷

৬) ক’ত আৰু কেতিয়া মাধৱদেৱৰ বৈকুন্ঠ্ প্ৰয়াণ ঘটে ?

উত্তৰ: ১৫৯৬ খৃষ্টাব্দত কোচবিহাৰত মাধৱদেৱৰ বৈকুন্ঠ্ প্ৰয়াণ ঘটে ৷

৭) মাধৱদেৱৰ ‘উঠৰে উঠ বাপু গোপাল হে …’ বৰগীতটি ক’ৰ পৰা সংগৃহীত ?

উত্তৰ: ‘মাধৱদেৱৰ ‘উঠৰে উঠ বাপু গোপাল হে …’ বৰগীতটি হৰিনাৰায়ণ দত্তবৰুৱা সম্পাদিত ‘বৰগীত’ নামৰ গ্ৰন্থখনৰ পৰা লোৱা হৈছে ৷

৮) ব্ৰজাৱলী ভাষাৰ দুটামান বৈশিষ্ট্য লিখা ৷

উত্তৰ: ভগৱান কৃষ্ণৰ লীলা বর্ণনা কৰিবলৈ‍ অসম, বংগ আৰু উৰিষ্যাত এক কৃত্ৰিম ভাষাত সাহিত্য ৰচিত হৈছিল৷ প্ৰধানতঃ বৈষ্ণৱ ধর্ম প্ৰচাৰ কার্যত এই সাহিত‍্য‍িক ভাষা প্ৰয়োগ হৈছিল৷ব্ৰজাৱলী ভাষাৰ কেতবোৰ বৈশিষ্ট্য পৰিল‍ক্ষ‍িত হয় –

ক) ব্ৰজাৱলী ভাষা এটা কৃত্ৰিম সাহিত্য‍িক ভাষা৷ সাহিত্য ৰচনাৰ ক্ষেত্ৰত এই ভাষা ব্যৱহাৰ হৈছিল ৷

খ) ব্ৰজাৱলীৰ মূল ভেটি মৈথিলী ভাষা ৷

গ) ব্ৰজাৱলী ভাষাত প্ৰচুৰ স্বৰধ্বনিৰ প্ৰয়োগ লক্ষ্যণীয়৷ যাৰ বাবে ভাষাটো অতি শ্ৰুতিমধুৰ ৷

৯) বৰগীতৰ বৈশিষ্ট্যসমূহ কি কি ?

উত্তৰ: মহাপুৰুষ দুজনা ৰচিত বৰগীতসমূহৰ কিছুমান সাধাৰণ বৈশিষ্ট্য পৰিল‍ক্ষ‍িত হয়৷ যেনে‍-

ক) বৰগীতসমূহৰ ভাষা ব্ৰজাৱলী ৷

খ) বৰগীতসমূহ ভক্তিমূলক আৰু আধ্যাত্ম‍িক ভাৱ প্ৰকাশক ৷

গ) বৰগীতসমূহ শাস্ত্ৰীয় ৰাগ-তালযুক্ত গীত ৷

ঘ) নামধর্ম প্ৰচাৰৰ উদ্দেশ্য‍ আগত ৰাখি‍ বৰগীতসমূহ ৰচিত হৈছিল ৷

ঙ) বৰগীতসমূহত দাস্য, শান্ত, বাৎসল্য আদি ৰসৰ সমাহাৰ ঘটিছে ৷

১০) মাধৱদেৱৰ ‘উঠৰে উঠ বাপু গোপাল হে’ বৰগীতটোৰ মূল কথাখিনি আলোচনা কৰা ।

উত্তৰ: মাধৱদেৱৰ ‘উঠৰে উঠ বাপু গোপাল হে’ বৰগীতটি শ্রী কৃষ্ণক মাতৃ যশোদাই কেনেদৰে টোপনিৰ পৰা জগাইছে সেই কথা সৰল আরু সুন্দৰ ৰূপত পৰিস্ফূট হৈছে ।

    

যশোদাই শিশু কৃষ্ণক বাপু, কমল-নয়ন, প্রাণধন আদিৰে সম্বোধন কৰি টোপনিৰ পৰা জগাইছে । সকলো পুৰুষৰ শিৰৰ ভূষণ হ’ল কৃষ্ণ । যশোদাই ‘মোৰ পুত্র’ বুলি কৃষ্ণক বুকুত বান্ধি লৈছে, কোলাত লৈ বাৰে বাৰে চুমা খাইছে আৰু আনন্দত নিমৰ্জিত হৈছে ।

    

মাধৱদেৱৰ এইদৰে মাতৃ-পুত্রৰ মধুৰ সম্পর্কৰ বৰ্ণনা কৰি কৃষ্ণৰ ঐশ্বৰিক ৰূপ আৰু মাহাত্ম্যৰ কথা বৰ্ণনা কৰিছে । সিদ্ধ মুনি আরু ঋষিসকলে বহু ধ্যান আৰু বহু সাধনা কৰিও যিজনা ভগৱানক বিচাৰি নাপায়, সেইজন ভগবানক ভক্তিৰ বলত যশোদাই পুত্ররূপে লাভ কৰি স্নেহ কৰিব পাৰিছে । ইয়াৰ জৰিয়তে ভক্তিৰ শ্রেষ্ঠত্ব প্রতিপন্ন কৰি ভগবান যে ভক্তৰ অধীন সেই কথা হৃদয়স্পৰ্শী ৰূপত তুলি ধৰিছে ।

১১) বৰগীত কাক বোলে ?

উত্তৰ: বিষয়বস্তুৰ মহত্ব, ৰচনাভংগীৰ সৌষ্ঠৱ্ আৰু শাস্ত্ৰীয় সুৰৰ গাম্ভীর্যৰে মহাপুৰুষ দুজনাই ৰচনা কৰা একশ্ৰেণীৰ গীতক বৰগীত বোলা হয় ৷ মহাপুৰুষ দুজনাই অসমীয়া সাহিত্যলৈ আগবঢে়াৱা অভিনৱ অৱদানসমূহৰ ভিতৰত বৰগীত অন্যতম ৷ 

বৰগীতবোৰৰ ভাষা ব্ৰজাৱলী৷ মৈথিলী ভাষাৰ ভেটিত বঙালী আৰু উৰীয়া ভাষাৰ সংযোগ ঘটাই নিজ নিজ অঞ্চলত বৈষ্ণৱ কবিসকলে এই ভাষা সাহিত্য সৃষ্টিত ব্যৱহাৰ কৰিছিল৷ শংকৰদেৱেও সমাজৰ সকলো স্তৰৰ লোকৰ বাবে বুজিবলৈ‍ সহজ হোৱাকৈ অন্যান্য সাহিত্যৰাজিৰ লগতে বৰগীততো ব্ৰজাৱলী ভাষা প্ৰয়োগ কৰিছে৷

বৰগীতবোৰৰ বিষয়বস্তুক পণ্ডিতসকলে ৬ টা ভাগত ভাগ কৰিছে –

১) পৰম পুৰুষ ভগৱানৰ অৱতাৰী লীলা৷

২) কৃষ্ণৰ বিদায় কালত যশোদা আৰু গোপ-গোপীৰ বিৰহ দুখ৷

৩) পৰমার্থ৷

৪) সংসাৰৰ প্ৰতি বিৰক্তি৷

৫) কৃষ্ণৰ চৌর্য ক্ৰিয়া৷ আৰু

৬) কৃষ্ণৰ চাতুৰি৷